တို့ရိုဟင်ဂျာ ဒုက္ခသည်

မီးနှယ်ပူပြင်း၊ နွေနေမင်း

ဗလာဥစ္စာ၊ ဓနကင်း။

အိုးမဲ့အိမ်မဲ့၊ သူ့လမ်းဘေး

တို့ရိုဟင်ဂျာ ၊ ဒုက္ခသည်။

စစ်ပွဲထန်ကြား၊ ပြေးလွှားရင်း

ဘင်္ဂလားသို့၊ သွားခိုရ

ပစ္စည်းဥစ္စာ၊ ကုန်ဆုံးရှူံး

တို့ရိုဟင်ဂျာ ၊ ဒုက္ခသည်။

အစာရေစာ၊ ပြတ်ငတ်သေ

လူသေအလောင်း၊ ပိုင်ရှင်မဲ့

"ဂျာနဇာဟ်"လည်း၊ မရသေး

တို့ရိုဟင်ဂျာ ၊ ဒုက္ခသည်။

မိပျောက်ဖပျောက်၊ ရေးမကုန်

ညီအစ်ကိုလည်း၊ သေကြေကုန်

နို့စို့ကလေး၊ ရှိုက်ငိုကြွေး

တို့ရိုဟင်ဂျာ၊ ဒုက္ခသည်။

နွေပူ၊ဆောင်းချမ်း၊ မိုးရေလျှံ၊

မခံနိုင်အောင် ပြင်းလှသည်၊

ဆေးမဲ့ကယ်မဲ့ သေကြေရ

တို့ရိုဟင်ဂျာ ၊ ဒုက္ခသည်။

— အာဘူလ်ကာဆိမ်း (၀၅၊ ၀၅၊ ၂၀၁၉)